Miña - Bana

— Ğafu itegez, miña Ayrat kiräk. Ul barmı?
— Bar. Räxim itegez.
— Räxmät.

— Duslar, miña xat kilde. Mäskäwdän. Min xäzer — qandidat.
— O-o-o! Şäp!

— Miña ike kilo may, ber kilo şikär ülçägez äle.
— Yarí.
— Räxmät.

— Miña ber kümäç biregez äle.
— Yarí.
— Räxmät. Niçä sum?
— İke meñ dürt yöz sum.

— Miña ike batareya kiräk. Biregez äle.
— Räxim itegez.
— Räxmät.

Siña - Sana

— Kamil, siña aqça kiräkme?
— Kiräk.
— Küpme?
— 200 meñ sum.

— Röstäm, siña qostyum kiräkme?
— Kiräk. Qayda bar?
— Mağazinda.

— Ğaliä, siña fotoapparat kiräkme?
— Yuq kiräk tügel. Räxmät. Aqçam yuq.

— Ayrat, kiçä siña Kamil kilde.
— Närsä bar?
— Berni yuq. Kamil siña kitap birde.
— Räxmät. Bik yaxşı kitap!

— Niyaz, siña gazeta birdelär.
— Kem birde?
— Röstäm.
— Yaxşı.

Aña - Ona

— Duslar! Tanış bulığız! Bu — Doroti. Ul Germanídan, Berlinnan. Aña yegerme ber yäş.
— Min bik şat.
— Bez dä.
— Siña niçä yäş, Almaz?
— Miña yegerme yäş. Ä siña?
— Miña unsigez yäş.
— Sin minnän keçkenäräk.
— Ä sin minnän zurraq.
— Siña tege kitap kiräkme?
— Miñamı?
— Äye, siña.
— Kiräk. Bir äle.
— Mä.
— Kamil, sin Qolyalarğa bardıñmı?
— Bardım.
— Alsu, siña sumqa kiräkme?
— Miña kiräk tügel, aña kiräk.
— Kemgä?
— Gölnazğa.

Bezgä - Bize

— Qızlar, sezgä närsälär kiräk?
— Bezgä közge kiräk.
— Bezgä taraq kiräk.
— Bezgä sumqa kiräk.
— Bezgä albom kiräk.
— Bezgä kitap kiräk.

— Duslar, bezgä Anglídan ber äfände kilde.
— Kem ul?
— Ul — lingvist.
— Anıñ iseme niçek?
— Djon Smit.
— Aña niçä yäş?
— 47 yäş.
— Anıñ Qazanda dusları küpme?
— Küp tügel, läkin bar.
— Ul niçä köngä kilde?
— Ber ayğa.
— Bik yaxşı.

— Ulım, awıldan tuğannar kilde. Kibetkä bar äle.
— Bezgä mağazínnan närsälär kiräk, äni?
— Bezgä, ulım, balıq, sır, känfit, tort kiräk. Bar äle, ulım.
— Xäzer, äni.
— Ay, räxmät, ulım.

Sezgä - Size

— Sezgä aqça kiräkme?
— Älbättä.

— Sezgä bügen kem kilde?
— Awıldan babay kilde.

— Allo, Sezgä kem kiräk?
— Miña professor Zaqirov kiräk.
— Ul xäzer yuq äle. Direktorğa kitte.
— Ğafu itegez!
— Berni tügel!

— Sezgä premiä birdelärme?
— Äye. Ä sezgä?
— Bezgä — yuq…

— Sezgä äniegez närsä peşerde?
— İt, botqa, şulpa peşerde. Salat ta yasadı.
— Yaxşı!

Alarğa - Onlara

— Ğaliä xanım, bu jurnalistlar — bezgä.
— Alarğa kem kiräk?
— Direktor kiräk.
— Direktor yuq äle. Ul Ministrlar Kabinetında.
— Säğät niçädä kitte?
— Säğät unda.
— Ğafu itegez.

— Apalar Qazandamı, Röstäm?
— Äye. Alarğa ber abí kilde. Ul — Ätineñ dustı. Awıldan.
— Şulaymıní?
— Äye.

Keşe — Kişi (Adam)

— Bu keşe kem, Röstäm?
— Ul injener-programmist.
— Qayda eşli?
— İnstitutta.
— Ul bezgä bik kiräk. Anıñ telefonı barmı?
— Bar.
— Tege keşe qaydan?
— Ul — Anglídan.
— Ul Qazanda närsä eşli?
— Ul konferensíğa kilde.
— Universitetqamı?
— Äye.

— Marat, bu nindi keşelär?
— Bu — alman studentları.
— Alar qaydan?
— Gissennan.
— Alar küpme?
— Küp tügel, tuğız keşe.
— Niçä ayğa kildelär?
— Ber ayğa.

Mäkällär

Ber güzäl eş meñ güzäl süzdän yaxşıraq.
Qayda yaxşı eş, şunda yaxşı isem.
Ber süz az, ike süz küp.

***

Däres bette. Saw bulığız.