Tatarstan däwläti simwolı. 1992 yılnıñ 7 fevralendä Tatarstan Däwlät Şurası tarafınnan raslandı. Däwlät gerbın qullanu qağidäläre "Tatarstan Respublikınıñ däwlät simwolları" qanunında kürsätelgän.

Tatarstan Respublikı Däwlät gerbınıñ autorları – filoloğiä fännäre doktorı Nazım Xanzafarov (ideyäse) häm rässam-monumentalist, Tatarstan Rässamnär berlege äğzası Rif Fäxretdinov (başqaruçı).

Gerb taswirlawı

Tatarstan Respublikınıñ Däwlät gerbı qoyaş cirlegendä alğı uñ ayağın beraz kütärgän, yantawında tügäräk qalqan bulğan qanatlı bars sürätennän ğıybarät.

Qoyaş tügäräge tatar milli bizäge töşerelgän, asqı öleşenä "Tatarstan" dip yazılğan qayma belän uratıp alınğan.

Qanatlar cide qawrıydan, qalqandağı rozetqa sigez tac yafraqçısınnan tora.

Tatarstan Respublikınıñ gerbı Tatarstan flağınıñ tösläre belän yasalğan, häm ul tügäräk formalı.

Gerbnıñ üzäk obrazı – qanatlı bars – elekege zamanda uñış, balalarnı saqlawçı täñre bulğan. Tatarstan Respublikı gerbındağı Aq bars – respubliknıñ häm anda yäşäwçe xalıqnıñ saqlawçısı.

Aq bars qızıl qoyaş cirlegendä urnaşqan. Qoyaş – elekege zamanda küp xalıqlarnıñ baş täñreläre bulğan. Tatarstan gerbındağı qızıl qoyaş xäyerle küreneş, uñış, bäxet, yäşäyeşne añlata.

Aq barsnıñ sul yağındağı tügäräk qalqan Tatarstan Respublikı grajdannarınıñ iqtisadi, xoquqıy yaqtan saqlanu astında bulğannarınıñ bilgese.

Tatarstan Respublikınıñ däwlät gerbı tösle itep bizälgän: qoyaş – qızıl, Aq bars, anıñ qanatları, qalqandağı rozetqa – aq, yantawındağı tügäräk – yäşel, qalqan, bizäk häm "Tatarstan" yazuı – altın tös belän yasalğan.

Qaşqarıy cöp sanlı tacları belän mäñgelek yäşäw çişmäsen, ğömerneñ ozınlığın häm ozın ğömer teläwen añlata.

Barsnıñ kütärelgän alğı uñ ayağı – yuğarı xaqimiätneñ böyeklegenä assızımlağan traditsion geräldik işarä. Ul şulay uq eşneñ uñ ayaqtan başlanğanın , Tatarstannıñ yañarış yulındağı baruınıñ xäyerlesen añlata.

Barsnıñ oçlı teşläre häm tırnaqları anıñ üz-üzen häm ximaya itkännären dä yaqlıy aluın belderä.

Barsnıñ cide qawrıyı tirä-yaqqa täesir itü köçe cirdä dä, küktädä buluın añlata.

Barsnıñ qoyırığınıñ torışı yaxşı käyefne, duslıqnı belderä.

Tatarlarda populyar bulğan yäşelçä ornamentı häm lälä çäçäge Tatarstannıñ tuuın, yazğı tabiğätneñ uyanuını simwollaştıra.

Öç altın tügäräk gerbnı öç däräcädä çolğıy. Alar berdämlek, çiksezlek häm iñ yuğarı qämillek ideyäsen çağıldıra.

Töslärneñ simwolik bilgeläre:
altın tös – näfislek, maturlıq, Tatarstan cirläreneñ baylığı;
yäşel tös – yaznıñ yäşellege, Tatarstannıñ yañadan tuuı;
aq tös – Tatarstan keşeläreneñ çista uyları;
qızıl tös – Tatarstannıñ ölgergänlege, energiäse, köçe, yäşäyeşe, yäşi alğanlığı;

Tatarstan Respublikınıñ gerbı äxläk baylığı, ğädellek, xalıq arasındağı tınıçlıq, proğress şikelle ğomum keşelek sıyfatlarnı raslıy.