Küse (Tuğan yılı 1924-1936-1948-1960-1972-1984-1996-2008)
Üzeneñ eşennän yıl buyı qänägät bulıp yäşär. Risklı eşläre dä uñışlı tämamlanır. Küse söyep häm söyelep yäşi, ä ğäilä tormışı nıq bulsın öçen tağın ni kiräk? Ämma qayçaq Küseneñ artınnan Quyan quarğa da mömkin, şuña saqçıl Küse oyasınnan waqıtın belep kenä çığar.

Ügez (1925-1937-1949-1961-1973-1985-1997-2009)
İdeäl yıl bulmasa da, eşlär öçen caylı çor. Citdi häm tınıç natura bulğan Ügez şaw-şularsız ğına yäşär. Yurğannı üz yağına tartırğa yaratuçılar eçke dönyası belän ğarmoniädä yäşäsen ide, şul çaqta ğına yaqınnarı da añlar.

Yulbarıs (1926-1938-1950-1962-1974-1986-1998-2010)
Kärerä üseşe öçen bik uñışlı yıl. Awırular aña yanamıy. Ğäilädä – tınıçlıq häm iminlek. Yulbarıs 2011 yılda tormışnıñ tämen belep yäşär.

Quyan (1927-1939-1951-1963-1975-1987-1999-2011)
Üz yılında Quyan üzen xuca itep toya. Uñışlı, şatlıqlı, şul uq waqıtta tınıç yıl. Yaña yılda sezne säyäxätkä çığu kötä. Quyan niçek teli, şulay yäşi. Awıl xucalığı ölkäsendä eşläre uñışlı bulır, ğäilä qorır, qayber quyannarnıñ ğäiläse işäyer.

Ajdaha (1928-1940-1952-1964-1976-1988-2000)
2011 yıl Ajdaha öçen imin häm mul yıl bulır. Ul doşmannarın ciñär. Yılın küñelle itep ütkärer. Yaltırarğa yaratqan Ajdaha bıyıl üze telägänçä yäşär häm bäxetle bulır. Barlıq kirtälärne dä yırıp çığarğa köçe bar.

Yılan (1929-1941-1953-1965-1977-1989-2001)
Üzenä tieş bulğan uñışnı yawlar, xezmäteneñ cimeşlären tatır. Yıl buyı tamağı tuq, küñele kör. Mäxäbbättä bäxetle bulır. Şäxsi tormışta, eştä uñış yılmayır, yal itär öçen diñgez yarınnan da yaxşıraq cir bulmas.

At (1930-1942-1954-1966-1978-1990-2002)
2011 yıl – At öçen bäxetle yıl. Eşe dä, aşı da mul bulır. Säyäsätçe, diplomat Atlar uñışqa ireşer. Çın mäxäbbät utında yanğannar ğäilä qoraçaq, niqaxları nıq häm bäxetle bulaçaq.

Quy (Käcä) (1931-1943-1955-1967-1979-1991-2003)
Bik matur yıl kötelä. Xezmätegez layıqlı bäyäläner. Sezneñ qäderegezne belälär, sezneñ belän ğorurlanalar. Yazmışığızğa zarlana almıysız. Aqıl belän eş itkän oçraqta, awır mäsälälär uñay xäl iteler. Sälamätlegegezne qayğırtığız, sez grippqa bireşä torğan keşe.

Maymıl (1932-1944-1956-1968-1980-1992-2004)
Uñışlı yıl. Qaysı ölkägä genä totınmasın, eş uñışlı bulır. Ğäilädä mullıq, iminlek xökem sörä. Waq-töyäk mäşäkätlär qayçaq borçıp alır. Ämma alarnı sez bik ciñel yırıp çığaçaqsız.

Ätäç (1933-1945-1957-1969-1981-1993-2005)
Uzıp baruçı yıl Ätäç öçen tınıçsız, şaw-şulı buldı. 2011 yıl isä tınıçlıq alıp kilä. Öy mäşäkätlärenä çumıp, töptän uylap, tınıç qına yäşär. Äle monda, äle tegendä ırğılmayaçaq, yawlıysı ürläre alda Ätäçneñ. Älegä ul üz waqıtın sabır ğına kötä.

Et (1922-1934-1946-1958-1970-1982-1994-2006)
Et öçen dä 2011 yıl tınıçlıq alıp kilä. Ul bıyıl yal itä. Etlärgä ğäilä qoru, bala tudıru öçen uñışlı yıl. Xätta parı belän ayırılışsa da, dus bulıp qalır. Keşelär belän cılı mönäsäbättä yäşär.

Duñğız (1923-1935-1947-1959-1971-1983-1995-2007)
2011 yılnıñ yañalıqların awır qabul itär. Üzgäreşlär, yañarışlar aldında qurqıp qalmasqa, äzer bulırğa kiräk dip kenä äytäse qala Duñğızğa. Artıq küñelle yıl bulmasa da, anı härçaq kemder “teşlärgä” torsa da, duñğız üzen yaqlıy alır.